O nas
Teraz po naszymu łopowiymy Wóm jak powstoł nasz Zespół. Każdy z nas mo już rodziny, toteż baba czy chłop dziwali sie krzywo na siebie jak jedyn szoł na próbe czy na wystymp, a drugi musioł siedzieć w chałpie przy dzieckach, a że ponikierzy z nas tańcowali już w zespole tóż ciągło nas do tej kultury. Nie marzyli my o wielkim zespole, ale aspóń żeby sie razym spotkać, pośpiywać i potańcować, jak sie już sie wieczór dziecka do spać, bo próby mómy dopiyro o łósmej. Nowych członków nóm przybywało, młodzi pobiyrają sie, my im pómogomy, choćby tym że idymy na wiesieli. I tak łod 10 roków wystympujymy na TKB, bierymy udział w przeglądach, a zdobyte piyniądze przeznaczómy na stroje kiere se sami szyjymy. Śpiywómy pieśniczki, ty kiere nasze starki śpiywały, tańcujymy tańce kiere sie łu nas w Brynnej hańdownij na muzykach tańcowało, przekazujymy to naszym dzieckóm i tak mómy pewność, że co piekne było i je, na zawsze w naszych sercach pozostanie. A że najwyższy gróń w Brynnej to Kotarz, kiery se tak stoi dumnie jak strażok na warcie i bacznym łokiym na naszą całą wioske spoziyro, tóż my sie też mianowali "KOTARZANIE".